बुढेसकालमा जुम्ल्याहा सन्तानको आमा बनेकी प्रिती यसरी रमाउँदै….. (तस्विरहरू)

अहिले बलिउड अभिनेत्री प्रीति जिन्टा आमाको ड्युटि निभाउन ब्यस्त छिन् ।

उनका सोसल मिडिया हेर्ने हो भने पछिल्लो पोष्टबाट आफ्नो जीवनको अधिकांश समय जुम्ल्याहा बच्चाहरुसँग बिताइरहेको देखिन्छ । अभिनेत्रीले आफ्नो बच्चाको तस्बिर सामाजिक सञ्जालमा सेयर गरेकी छिन् ।

प्रीति जिन्टाले आफ्नो सन्तानको झलक संसारलाई देखाएको यो पहिलो पटक हो । तर फोटोमा बच्चाको चित्र स्पष्ट रुपमा धेरै देखिँदैन। अभिनेत्रीले बच्चाको पछाडिको लुक सेयर गरेकी छिन् । तस्विर शेयर गर्दै प्रीति जिन्टाले लेखिन्– बर्प कपडा, डायपर र बेबी। मलाई यो सबै धेरै मन पर्छ ।

तस्बिरमा प्रीति जिन्टाले बच्चालाई काखमा समातेर पोज दिएकी छिन् । प्रीतिको काँधमा बर्पको कपडा राखिएको छ ।

प्रीति जिन्टाको यो फोटोमा दिया मिर्जा, पत्रलेखा, प्रियंका चोपडा, डिनोमोरियाले लगायतका सेलब्रेटीहरुले प्रतिक्रिया जनाएका छन् । कसैले हार्ट इमोजी बनाएका छन् त कसैले लभ इमोजी बनाएका छन् । प्रीतिको एक छोरा र एक छोरी छन् । छोराको नाम जय र छोरीको नाम जिया हो । केहि पहिला प्रिती जिन्टाले आमा बन्ने जानकारी दिएकी थिइन् ।

ढल्किदो उमेरसँगै आमा बनेपछि प्रीतिको जीवनमा खुशीको बहार नै आएको छ । प्रीति सामाजिक सञ्जालमा निकै सक्रिय छिन् र आफ्ना श्रीमान् र छोरा छोरी सँग तस्विर शेयर गरिरहेकी छिन् ।

प्रीतिको वर्कफ्रन्टको कुरा गर्दा उनले सन् १९९८ मा फिल्म दिल से मा काम गरेर अभिनयमा डेब्यु गरेकी थिइन् । त्यसपछि बलिउडमा उनले तहल्का नै मच्चाइन् ।

You might also like