काठमाडौँ, २१ कात्तिक । फेस अफ कर्णाली याक्सका रुपमा नायिका स्वस्तिमा खड्कालाई प्रस्तुत गरिएको छ । बुधबार काठमाडौँमा आयोजित एक फेस अफ कर्णाली याक्स सार्वजनिक कार्यक्रममा उहाँलाई सार्वजनिक गरिएको हो ।
कार्यक्रममा स्वस्तिमाले फेस अफ कर्णाली याक्सको रुपमा आफू जोडिन पाउँदा निकै खुसी लागेको भन्दै कर्णाली याक्सले कर्णाली अझ धेरै आफ्नो पहिचान बनाउन सफल हुने विश्वास व्यक्त गर्नुभयो ।
उहाँले भन्नुभयो,‘फेस अफ कर्णाली याक्सको रुपमा जोडिन पाउँदा मलाई निकै खुसी लागेको छ । कर्णाली आफ्ना् छुट्टै संस्कृति र पहिचानले पहिलेदेखि नै एकदमै धेरै धनी छ । तर, मलाई विश्वास छ अझ झनै यो कर्णाली याक्सले त्यसमा महत्त्वपूर्ण भूमिका निर्वाह गर्ने छ ।
उहाँले खेलकुदको समर्थक हुनका लागि प्राविधिक रुपमा जानकार नै हुनु पर्ने भन्दा देशलाई विश्वसामु चिनाउने चाहाना हुनुपर्ने बताउनुभयो ।
मंसिर १६ गते सुरु हुने नेपाल प्रिमियर लिग (एनपिएल) मा कर्णाली सहित ८ टोलीको सहभागिता रहने छ ।
