चर्चित नेपाली रकगायक तथा अभिनेता रविन तामाङको मंगलबार बेलुका निधन भएको छ । दिदी भगवती तामाङले भाइ रविनको निधन भएको बताइन् ।अहिले पोस्टमार्टमका लागि रविनको शवलाई त्रिवि शिक्षण अस्पताल महाराजगञ्जमा राखिएको छ । मंगलबार बेलुका बुढानिलकण्ठस्थित घरमा रविनको निधन भएको भगवतीले बताइन् ।
अहिले पोस्टमार्टमका लागि टिचिङ लगिएको छ । यो खबरले गर्दा हामी मर्माहत भएका छौं’ उनले भनिन् । रविन एण्ड द रिभोलुसन ब्याण्डका भोकलिस्ट समेत रहेका रविन पछिल्लो समय चलचित्र अभिनयमा समेत ब्यस्त थिए ।
उनको पछिल्लो फिल्म ‘छड्के २’ थियो । नेपाली रक जनराको गीतको विकासमा उनको योगदान उल्लेख्य मानिन्छ । उनको निधनमा नेपाली संगीतकर्मीले सामाजिक संजालमार्फत श्रद्धाञ्जली व्यक्त गरिरहेका छन् ।
