आफ्नो अनुहार चम्किलो, राम्रो र गोरो होस् भन्ने सबैको चाहाना हुन्छ । अनुहार सुन्दर बनाउन मानिसक अनेक उपाय अपनाउँछ । तर अनुहार सुन्दर बनाउने नाममा यस्ता केही कुरा छन् जो अनुहारमा प्रयोग गर्नु हुँदैन ।
– तातो पानी
धेरै तातो पानीले मुख धुँदा अनुहारको छालामा भएको मोइस्चराइजर कम हुन्छ । जसले छालालाई सुख्खा बनाउँछ । त्यसैले अनुहार धुन तातोपानीको प्रयोग गर्नु हुँदैन ।
– भ्यास्लीन
भ्यासलिन अनुहारमा लगाउन उपयुक्त हुँदैन । यसले अनुहारका तेल र पसिना ग्रन्थीहरूलाई ब्लक गरी दिन्छ । जसले गर्दा डन्डिफोर वा चिल्लो छाला भएकाहरूमा नराम्रो असर गर्छ ।
– नरिवलको तेल
नरिवलको तेल अन्य तेलको तुलनामा बाक्लो हुन्छ । यसले अनुहारका तेल र पसिनाका ग्रन्थीहरुलाई ब्लक गरीदिन्छ । त्यसैले अनुहारमा डन्डिफोर र धेरै तेल आउने मानिसले नरिवलको तेल लगाउनु हुँदैन ।
– बडी लोसन वा मोइस्चराइजर
छालामा लगाउने बडी लोसन वा मोइस्चराइजर अनुहारमा प्रयोग गर्नु हुँदैन । यसमा कडा किसिमको रसायनिक पदार्थ बढी हुने भएकोले अनुहारको पिएचमा गडबडी गर्दछ ।
– नुहाउने साबुन वा स्याम्पु
यसमा सल्फेट नामक पदार्थ हुन्छ जसले धेरै फिँज निकाल्छ । सल्फेटको पिएचको मात्रा धेरै हुने भएकाले नुहाउने साबुन र स्याम्पुको प्रयोग अनुहारमा गरे अनुहार सुख्खा हुने गर्छ ।
– डेओडेरेन्ट, पर्फ्युम र हेअर स्प्रे
धेरै पसिना आउने व्यक्तिले अनुहारमा डेओडेरेन्ट लगाउने गर्छन् । मेकअप सेभ गर्न हेअर स्प्रेको प्रयोग गर्ने गर्छन् । यस्ता वस्तुहरूमा अनुहारलाई हानी गर्ने रसायनहरू हुने गर्दछ ।
– टुथपेस्ट
डन्डिफोरका समस्या भएकाहरूले डन्डिफोर निको पार्न टुथपेस्ट प्रयोग गरेको पाइन्छ । तर टुथपेस्टले छालामा भएको मेलानिमको मात्रा बढाउने गर्दछ । मेलानिमको मात्रा बढी हुँदा अनुहारको छालामा कालो दाग बस्ने गर्छ । त्यसैले अनुहारमा टुथपेस्ट लगाउनु हुँदैन।
