केही मानिसहरू नुहाउँदा शरीरको यस्तो भागमा साबुन प्रयोग गरेर गल्ती गरिरहेका हुन्छन् जसले गर्दा पछि ठूलो नोक्सान व्यहोर्नु पर्ने हुन सक्छ । यदि तपाइँ पनि नुहाउँदा जथाभावी रूपमा शरीरको जुनसुकै भागमा पनि साबुन लगाउनु हुन्छ भने शतर्क हुनुहोस् ।
शरीरका यी अंगहरूमा साबुन लगाउँदा नचिताएको हानी व्यहोर्नु पनि पर्ने हुनसक्छ । आउनुहोस्, शरीरमा साबुन लगाउँदा अपनाउनु पर्ने सावधानीको बारेमा चर्चा गरौं । डाक्टरहरू शरीरको गुप्तांगमा साबुन नलगाउन सल्लाह दिन्छन् । यसरी शरीरको गोप्य भागमा साबुन लगाउँदा छाला नरम हुनाको कारणले चिलाउने समस्या उत्पन्न हुनसक्छ ।
केही मानिसहरू गुप्तांगमा एकचोटि मात्र नभई धेरैपटक साबुन प्रयोग गर्ने गर्छन् ,जुन एउटा खतराको निशानी हो । जुन भागमा हामी साबुन धेरै लगाउँछौं, सो भागमा ज्यादा पसिना आउँछ । फलस्वरूप सो भागको छाला सुख्खा हुन जान्छ र छाला फुस्रो हुने, फुट्ने आदि समस्या देखापर्छ ।
यदि तपाइँको शरीरको कुनै अंगमा चिलाउने समस्या छ भने पनि उक्त भागमा साबुनको प्रयोग गर्नुहुँदैन, कतिपय व्यक्तिहरू नुहाएपछि तौलियाले रगेडेर पुछ्ने वा सफा गर्ने गर्दछन् । यसो गर्नाले छाला सफा हुनुको सट्टा छाला ज्यादा सुख्खा हुन गई समस्या झन् बढ्न जान्छ । अझ कपाल झर्ने जस्ता समस्या पनि सोही कारणले बढ्न जान्छ ।
