कुनै पनि व्यक्तिको जीवनमा विवाहको समय अत्यन्त महत्त्वपूर्ण र विशेष हुन्छ। विवाह पछिको जीवनलाई सुखमय र शान्तिमय बनाउन विवाह भन्दा पहिले ज्योतिष शास्त्रलाई विशेष ध्यान दिईन्छ । विवाह भन्दा पहिले केटा र केटीको कुण्डलीदेखि लिएर गुणको पनि सही मिलान गर्नु आवश्यक रहेको छ। यस बाहेक दुबैको गोत्र र जातिको पनि विशेष महत्त्व छ। तर आजकल यी सबै कार्यहरू पछि पनि वैवाहिक जीवनमा सम्बन्ध विच्छेदको समस्या सबैभन्दा बढी देखिएको छ।
विवाह अघि जन्मकुण्डली र गुणहरूको मिलान गरे पनि विवाहपछि सम्बन्ध विच्छेदको खतरा हुन्छ र यस्तो अवस्थामा मानिसहरूले ज्योतिष र ज्योतिषीलाई दोष दिन थाल्छन्।
कुण्डली मिलान गरेर विवाह गर्दा पनि हुन्छ सम्बन्धविच्छेद, यो कसको दोष हो?
हामी तपाईंलाई बताउँछौं कि विवाह हुनुभन्दा अघि कुण्डली र गुण मिलाए पनि यदि वैवाहिक जीवन सम्बन्ध विच्छेदमा गएर समाप्त हुन्छ भने यसको मतलब यो होइन कि यो ज्योतिषको गल्ती हो, तर यसको सरल अर्थ यो हो कि ज्योतिषीले कुण्डली र गुण मिलान गर्दा त्यसको परिणामहरुको सही र राम्रो सँग विचार गरेनन् । यस बाहेक धेरै पटक यस्तो हुन्छ कि तपाईंलाई ज्योतिषी नै गलत वा अल्पज्ञानी मिल्दछन्, जो राम्रोसँग कुण्डलीको अध्ययन तथा विश्लेषण गर्न सक्षम छैनन्। यसैले सँधै प्रमाणित ज्योतिषीलाई मात्र सम्पर्क गर्नुहोस्।
सम्बन्धविच्छेदबाट बच्न कुंडलीमा एउटा विशेष संयोजन छ
ज्योतिषका अनुसार यो स्थिति सिधैं ग्रहहरुसँग सम्बन्धित छ, जसले सम्बन्ध विच्छेद जस्ता अवस्था सिर्जना गर्दछ। हामी तपाईंलाई बताउँछौं कि सम्बन्ध विच्छेदको लागि कुण्डलीमा एक विशेष संयोजन छ, जुन संयोजन कुण्डली मिलान गर्दा महत्त्वपूर्ण छ। सम्बन्ध विच्छेदको सबैभन्दा ठूलो कारण बृहस्पति र शुक्रसँग सम्बन्धित छ। यदि शुक्र ग्रहको महादशा बृहस्पतिको अन्तर्दशा रहेको छ वा बृहस्पतिको महादशामा शुक्रको अन्तर्दशा रहेको छ भने पनि श्रीमान् र श्रीमतीबीच छुट्टिएर बस्ने अवस्था आउँछ।
कुण्डली र गुणहरूको सही मिलान महत्त्वपूर्ण छ
अहिले सम्ममा तपाईंले बुझीसक्नु भयो कि वैवाहिक जीवनमा सम्बन्ध विच्छेदको कारण कुण्डलीको सही मिलान नहुनु पनि हो। आजभोली कुण्डली र गुणहरुको मिलान केवल औपचारिकता बनाइएको छ। आजभोली मानिसहरू कम्प्यूटरमा सफ्टवेयर मार्फत कुण्डली मिलान गर्छन्। यो पूर्ण रुपमा प्रभावकारी नहुन सक्छ, किनभने त्यसले जन्मकुण्डलीको सुक्ष्म विश्लेषण नगर्न सक्छ र विवाहका महत्वपूर्ण दोषहरुलाई नदेखाउन सक्छ । विवाहभन्दा पहिले कुण्डली र गुणहरूको सही मिलान गर्नाले वैवाहिक जीवनमा ठूला वा सम्बन्ध विच्छेद जस्ता समस्याहरु धेरै कम हुन्छन् वा हुदै हुदैनन् भन्दा पनि हुन्छ। यस्तो अवस्थामा हामी तपाईंलाई कुण्डली र गुणहरू मिलाउने सही विधि बताउँछौं।
कुण्डली मिलानका लागि महत्त्वपूर्ण चीजहरू
विवाह अघि कुण्डली मिलान गर्दा एक योग्य ज्योतिषीले यो कुरा विचार गर्नुपर्दछ कि केटा वा केटीको कुण्डलीमा सुखी वैवाहिक जीवनका लक्षणहरू छन् कि छैनन्। उदाहरणका लागि यदि केटा वा केटीमध्ये कुनै एकको कुण्डलीमा सम्बन्ध विच्छेद वा वैधव्यको दोष विद्यमान रहेको छ जुन मांगलिक दोष, पितृ दोष, कालसर्प दोष वा अन्य कुनै दोषको उपस्थितिको कारण बनेको छ भने धेरै संख्यामा गुण मिलेको भए पनि कुण्डलीको मिलान गर्नु हुँदैन अर्थात् विवाहको लागि स्वीकृति दिनु हुँदैन र दिए पनि त्यस जातकलाई राम्रोसँग सबै कुरा प्रस्ट रुपमा बताएर त्यसको शान्ति आदिको उपायहरु पनि भन्नुपर्छ र त्यस दोषले भविष्यमा गर्न सक्ने समस्याको बारेमा पनि राम्रो सँग जानकारी दिनुपर्छ, जसले गर्दा त्यस जातकलाई ज्योतिष शास्त्रप्रति अविश्वास पैदा नहोस्।
यस बाहेक वर-बधुको कुण्डलीमा स्थित आयु, आम्दानीको पक्ष र भविष्यमा आर्थिक सुदृढ़ता, दुवै कुण्डलीमा सन्तानको प्राप्ति योग, दुबै कुण्डलीको स्वास्थ्यको योग र शारीरिक र मानसिक सामंजस्यको पनि विचार गर्नुपर्छ ।
