ब्रेन ट्युमर जुन जुनसुकै उमेरमा पनि लाग्न सक्छ। स्वस्थ मस्तिष्क हाम्रो शारीरिक र मानसिक स्वास्थ्यको लागि सबैभन्दा महत्त्वपूर्ण भाग हो। ब्रेन ट्युमरका लक्षणहरू सामान्यतया यसको स्थान र आकारमा निर्भर हुन्छन्, तर कहिलेकाहीँ ब्रेन ट्युमरको प्रारम्भिक लक्षणहरू पत्ता लगाउन गाह्रो हुन सक्छ। ब्रेन ट्युमरका लक्षणहरू बिस्तारै देखा पर्छन्, तर जब यी लक्षणहरू देखा पर्छन्, यसले अन्य धेरै समस्याहरू निम्त्याउन सक्छ । यी संकेतहरू बेवास्ता गर्नु हुदैन, किनकि समयमै उपचारले ट्युमर निको हुन सक्छ।
ब्रेन ट्यूमर को प्रारम्भिक लक्षण
टाउको दुखाइ र चक्कर लाग्नु
ब्रेन ट्युमरको प्रारम्भिक लक्षणहरूमा टाउको दुख्ने र चक्कर लाग्ने हुन सक्छ। यो सामान्यतया ट्युमरको बढ्दो दबाबको कारणले गर्दा हुन्छ, जसले टाउकोमा दबाब बढाउँछ र चक्कर आउँछ।
धमिलो दृष्टि र अन्धोपन
ट्युमरका कारण आँखाको आन्तरिक चाप बढ्न सक्छ, जसका कारण व्यक्तिलाई दृष्टिविहीन हुन सक्छ ।
व्यवहारमा परिवर्तन
विरामीको व्यवहारमा परिवर्तन हुन्छ । साना साना कुरामा रिसाउने चिन्तित हुने र विर्सने समस्या हुन्छ ।
शरीरमा असामान्य गतिविधि
कहिलेकाहीँ ब्रेन ट्युमरले हात र खुट्टा काँप्ने, शरीरको तापक्रम एक्कासी बढ्ने वा हिँडडुल गर्न, बस्न गाह्रो हुने जस्ता असामान्य गतिविधि निम्त्याउन सक्छ।
भोक नलाग्नु
ब्रेन ट्युमरका कारण भोक नलाग्ने, वान्ता हुने र पेट दुख्ने समस्या हुन सक्छ ।
निद्रा नलाग्ने
ब्रेन ट्युमर भएका धेरैलाई निद्रा नलाग्ने समस्या हुन सक्छ। यसको साथसाथै धेरै निद्रा वा अनियमित निद्रा पनि केही मानिसमा सम्भावित लक्षण हुन सक्छ।
अचानक तौल घट्नु
यदि कसैको तौल बिना कारण अचानक घट्यो भने यो तपाईलाई ब्रेन ट्युमरको समस्या भएको संकेत हुन सक्छ । छिटो तौल घट्नु पनि एक लक्षण हुन सक्छ, जुन ब्रेन ट्युमरको कारणले हुन्छ।
