काठमाडौँ, १५ कात्तिक । राष्ट्रिय लोक संगीतकर्मी नेपालले पूर्वप्रधानमन्त्री एवम् नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’को निवास खुमलटार पुगेर देउसी–भैलो खेलेको छ ।
लोक संस्कृतिको संरक्षण र प्रचार प्रसार गरी शान्ती, प्रेस स्वतन्त्रता, र पत्रकारको हकहितको संरक्षण गर्ने उद्देश्यले शीर्ष नेताहरुको घरमा देउसी–भैलो कार्यक्रम तय भएअनुसार प्रधानमन्त्री निवासमा देउसी खेलिएको हो ।
देउसी–भैलाको कार्यक्रममा प्रधानमन्त्री निवास बालकोट, नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’को निवास खुमलटार र नेकपा (एकीकृत समाजवादी)का अध्यक्ष माधवकुमार नेपालको निवास कोटेश्वर र कांग्रेस सभापति शेर बहादुर देउवाको निवास बुढानिलकण्ठमा देउसी–भैलो खेल्ने कार्यक्रम रहेको बताइएको छ ।
