प्रधानमन्त्री पुष्पकमल दाहाल ‘प्रचण्ड’ले ३५ अर्ब वैदेशिक लगानी र १५ हजारलाई रोजगारी सुनिश्चित भएको बताएका छन्।
बुधबार प्रतिनिधि सभा बैठकलाई सम्बोधन गर्दै उनले सरकारको ६ महिनाको उपलब्धी बताएका हुन्।
‘संसारभरिका हाम्रा कूटनीतिक र आर्थिक नियोगहरूलाई वैदेशिक लगानीका लागि परिचालन गरिएको छ। ठूला सम्भावित लगानीकर्तासँग प्रधानमन्त्रीकै तहबाट अग्रसरताका लागि आवश्यक गृहकार्य भइरहेको छ। यसबीचमा करिब ३५ अर्ब वैदेशिक सहायता सम्झौतामा हस्ताक्षर भएको छ। उद्योग क्षेत्रमा २७४ परियोजनामार्फत करिब ३५ अर्ब नै वैदेशिक लगानी र करिब १५ हजार रोजगारी सुनिश्चित भएको छ,’ उनले भने।
प्रधानमन्त्री प्रचण्डले लगानी बोर्डबाट ९५४.३० मेगावाट विद्युत उत्पादन हुने गरी विभिन्न ६ वटा जलविद्युत परियोजनाका लागि१ खर्ब ६७ अर्ब रूपैयाँ लगानी स्वीकृत भएको बताए।
आर्थिक सुधारकै परिणामस्वरूप कम्तीमा २० हजार थप रोजगारी सिर्जना गर्ने गरी २ खर्ब ५ अर्ब रूपैयाँ लगानीका २८४ नयाँ स्वदेशी उद्योग दर्ता भएको उनको भनाइ छ।
Ncell
उत्तरी नाकातर्फ रसुवागढी, हिल्सा, कोदारीस्थित अध्यागमन कार्यालयहरू सुचारु भएको उनले बताए।
