गरुड पुराण सबै १८ पुराणहरू मध्ये एक प्रमुख पुराण हो। जसमा व्यक्तिको कर्म अनुसार प्राप्त हुने फलको बारेमा उल्लेख गरिएको छ । यसका साथै जीवन सफल बनाउन गरुड पुराणमा धेरै मन्त्रको उल्लेख गरिएको छ। यसको अर्थ वा भावार्थ थाहा पाएर मानिसले आफ्नो जीवन सफल बनाउन सक्छ। गरुड पुराणका अनुसार ६ चीजको पूजा गर्दा सबै कुरा प्राप्त गर्न सकिन्छ । जान्नुहोस् यसको बारेमा….
गुरुड पुराणमा एक श्लोक मार्फत बताइएको छ कि कसरी ६ चीजको पूजा गर्दा हरेक काममा प्रगति हुन्छ । श्लोक छ- ‘विष्णुरेकादशी गङ्गा तुलसीविप्रदेवानः आसरे दुर्गसंसारे शतपदी मुक्तिदायिनी’।
गरुड पुराणका अनुसार भगवान विष्णुले आफ्ना भक्तहरूको सबै कष्टहरू हटाइदिन्छन् । जसको कारण जीवनमा सुख शान्ति कायम रहन्छ। यदि कुनै व्यक्तिले भगवान विष्णुको भक्ति गरेर दिनको सुरुवात गर्छ भने उसलाई आफ्नो काममा अवश्य सफलता मिल्छ । यस्तो अवस्थामा भगवान विष्णुको पूजा नियमित गर्नुपर्छ ।
गरुड पुराणमा एकादशी व्रतलाई सर्वश्रेष्ठ मानिएको छ । गरुड पुराणका अनुसार पूर्ण भक्तिपूर्वक एकादशी व्रत गर्ने व्यक्तिले सधैँ शुभ फल प्राप्त गर्छ। यस्तो अवस्थामा जीवनमा सुख प्राप्तिका लागि एकादशी व्रत गर्नुपर्छ । कलियुगमा गंगाको जललाई सबै नदीहरूमा श्रेष्ठ मानिन्छ। गरुड पुराणका अनुसार गंगाको जलले सबै पापबाट मुक्ति दिलाउने छ । कुनै पनि शुभ कार्यमा गंगाजल प्रयोग गरेर शुद्धिकारण गरिन्छ । त्यसैले गंगा नदीको पूजा गर्नुपर्छ।
गरुड पुराणका अनुसार भगवान विष्णुको सम्बन्ध तुलसीसँग छ । यही कारणले यसलाई भगवान विष्णुको रूप मानिन्छ । तुलसीको नियमित पूजा गर्नाले जीवनमा सबै सुख प्राप्ति हुन्छ । यसका साथै तुलसीको बोटमा दीप प्रज्वलन गर्नुको पनि विशेष महत्त्व छ ।
गरुड पुराणका अनुसार ज्ञानी पुरुष वा पण्डितको सधैँ सम्मान गर्नुपर्छ । शास्त्रमा ज्ञानी मानिसको अपमान गर्नु अन्याय हो भनिएको छ । ज्ञानी व्यक्तिलाई सम्मान गर्ने मानिस सधैँ सफल हुन्छ।हिन्दु धर्ममा गाईलाई पवित्र मानिन्छ । गरुड पुराण अनुसार गाईको शरीरमा सबै देवताहरुको वास हुन्छ । जसले गाईलाई देवता मानेर पूजा गर्छ, उसको सबै दुःख समाप्त हुन्छ।
