रौतहट, ९ माघ । नक्कली पेस्तोल देखाएर रकम असुली गर्ने एक जनालाई रौतहट प्रहरीले पक्राउ गरेको छ ।
ईशनाथ नगरपालिक वडा नम्बर ४ मठियास्थित इलाकामा सीमा क्षेत्रका व्यक्तिसँग नक्कली पेस्तोल देखाएर रकम असुली गरेको आरोपमा प्रहरीले भारतीय नागरिकलाई पक्राउ गरेको हो ।
पक्राउ पर्नेमा मोतीहारी ग्राम पञ्चायत रोही वडा नम्बर ४ बस्ने २० वर्षीय अब्दुल कलाम रहेको रौतहट प्रहरी निरीक्षक राम कुमार महतोले जानकारी दिनुभयो ।
पक्राउ परेका कलामले नक्कली चाइनिज (पेस्तोल) खेलौना देखाएर सीमा क्षेत्रमा हिँड्डुल गर्ने व्यक्तीलाई डर त्रास देखाइ रकम माग्ने गरेको प्रहरी निरीक्षक महतोले बताउनुभयो । प्रहरी चौकी मठिया महुलीयाबाट खटिएको प्रहरी टोलिले नियन्त्रणमा लिएको प्रहरी निरीक्षक महतोले बताउनुभयो ।
पक्राउ परेका कलामलाई म्याद थप गरी अनुसन्धान कार्य भइरहेको जिल्ला प्रहरी कार्यलय रौतहटले जनाएको छ ।
