चार्जमा रहेको मोबाइलमा फोन उठाउने क्रममा करेन्ट लागेर एक महिलाको निधन भएको छ ।
जिल्लाको गौरीगञ्ज गाउँपालिका-१ टुनु बस्तीमा हिजो दिउँसो उक्त घटना भएको जिल्ला प्रहरी कार्यालय झापाका प्रवक्ता प्रहरी नायव उपरीक्षक खगेन्द्र प्रसाद रिजालले बताए ।
प्रहरीका अनुसार वर्ष ५५ की सिला बुढाथोकी खेतमा काम गरी घरमा आएर चार्जमा रहेको मोबाईलमा कुराकानी गर्ने क्रममा करेन्ट लागेको हो ।
फोन उठाउने क्रममा अचानक फोनबाट करेन्ट लागी उनको घटनास्थलमै निधन भएको डिएसपी रिजालले बताए ।
यस सम्बन्धमा थप अनुसन्धान कार्य भइरहेको उनले जनाए ।
