मन कालो भए संसार कालो हुन्छ – कवि शिरोमणि लेखनाथ पौड्याल
खान पकाउँदा र खाँदा पनि असल कुरा सोच्ने बानी बसाउनुपर्छ – खप्तड स्वामी
संसारको अवस्था बौलाएको बाँदरलाई चर्कने कमिलाले टोकेको जस्तो छ – डा. रामानन्द गिरि
आहार अनुसार विचार बन्छ, विचार अनुसार व्यवहार बन्छ – उपनिषद् दर्शन
आफू जस्तो छ संसार त्यस्तै बनिदिन्छ – गीता
आफूलाई मात्र पकाउनेहरू आफ्नै पाप खाइरहेका हुन्छन् – गीता
पापीहरूलाई उनीहरूकै पापले खाइरहेको हुन्छ – श्रीमद्भागवत
मोहन जोद्दारो र हरप्पालाई ऋग्वेदमा नार्मिणी भनिएको छ – मदनमणि दीक्षित
योग सूत्रका प्रणेता पतञ्जलिको जन्म गोनर्द पवर्त सृङ्खला (अर्घाखाँची जिल्लाको ऐरावत क्षेत्र) मा भएको हो – प्रा.डा. विष्णुराज आत्रेय
आफ्नो भनेको पेटमा गएको जति मात्र हो, त्यो पनि पचाउन सकेको जति मात्रै – लोकोक्ति
पहिले मानिस औषधी नै नखाइ सय वर्ष बाँच्थे तर अहिलेका मानिस गर्र्भैबाट औषधी खान थाल्छन् र पनि निरोगी हुन सकेका छैनन् – लोकोक्ति
जगत भन्नु नै आफैँ हो, आफ्नै अङ्ग हो । त्यहीँबाट आउँछ र त्यहीँ बिलाउँछ – योगवासिष्ट महारामायण
दूधभित्र घ्यु र घ्युभित्र दूधको अंश रहे जस्तै जगतभित्र आफू र आफूभित्र जगत्को अंश पनि रहेकै हुन्छ – ऐ.ऐ.
समुद्र र तरङ्ग देखुञ्जेलका लागि मात्र अलग हुन्, वस्तुतः एउटै हुन् – ऐ. ऐ.
एउटै मनले संसार चलाउँछ, मन चल्नासाथ संसार पनि चल्न सुरु गर्छ – ऐ. ऐ,
विन्दू र सिन्धु एउटै हुन्, विन्दूभित्र सिन्धु पनि हुन्छ, सिन्धुभित्र विन्दू पनि हुन्छ – ऐ. ऐ.
आफू भलो त जगत् भलो – नेपाली उखान
मन चङ्गा भए लोहोटा गङ्गा बन्छन् – नेपाली उखान
कसलाई के भनिन्छ
भगवान् पशुपतिनाथलाई आदि ज्योतिर्लिङ्ग भनिन्छ ।
डोलेश्वर महादेव केदारनाथको शिर मानिएका छन् ।
दुई वा सोभन्दा बढी प्रसिद्ध नदीको सङ्गमलाई प्रयाग भनिन्छ ।
देवघाटलाई आदि प्रयाग भन्ने गरिएको छ ।
काली गण्डकी संसारको एक मात्र त्यस्तो नदी हो,जहाँ शालिग्राम पाइन्छ ।
वेदका ऋचालाई मन्त्र भनिन्छ ।
वैदिक मन्त्रद्रष्टा पुरुषलाई ऋषि भनिन्छ ।
वैदिक मन्त्र द्रष्टा नारीलाई ऋषिका भनिन्छ,जसको उपस्थिति ऋग्वेदमै २५ भन्दा बढी रहेका छन् ।
वैदिक मन्त्रद्रष्टा ऋषिहरू कश्यप,अत्रि,विश्वामित्र र वसिष्ठको जन्मस्थल र कर्मस्थल नेपाल मानिएको छ ।
व्याकरण सूत्रका निर्माता पाणिनि अर्घाखाँची प्रणेनाका निवासी मानिएका छन््,यसैको आधारमा उनको नाम पाणिनी रहेको भनाइ छ ।
स्रोत – विभिन्न पुस्तक र पत्रपत्रिका
