हामी धेरैका घरमा विभिन्न थरीका बिरुवाहरू तथा फुलहरू लगाउने गरिएको हुन्छ । पछिल्लो समय अधिकांश घर तथा अफिसहरूमा इन्डोर प्लान्टहरूले सजाउने गरिएको पाइन्छ । मानिसहरू आफ्नो घर हरियाली राख्न चाहन्छन् । यस्तो अवस्थामा जेड प्लान्ट, मनिप्लान्ट, स्नेक प्लान्ट लगायतका इनडोर बिरुवाहरू रोप्ने गर्छन् । आज हामी यसैमध्येको जेड प्लान्टका बारेमा चर्चा गर्नेछौँ । जेड प्लान्ट सुन्दर मात्र होइन घर भित्र र बाहिर दुवै स्थानमा लगाउन मिल्ने सजिलो एक लोकप्रिय हाउस प्लान्ट हो ।
जेड बिरुवा कम उज्यालो अवस्थामा बाँच्न सक्छ बिरुवा पनि हो । यसको पातहरू रसिला र लचिलो हुन्छन् ।
दक्षिण अफ्रिकाबाट आएको यो प्लान्टको वैज्ञानिक नामको ‘क्रस्युला ओभट्टा’ हो यसलाई ‘पैसा प्लान्ट’ पनि भनिन्छ । यसलाई जड धन, समृद्धि, र राम्रो भाग्य को प्रतीक पनि मानिन्छ ।
स्वास्थ्यका दृष्टिकोणले पनि राम्रो मानिने यो प्लान्ट अक्सिजनको राम्रो स्रोत मानिन्छ । यसले भित्री वायुको गुणस्तर सुधार गर्नाका साथै आर्द्रता कायम राख्न मद्दत गर्दछ ।
विशेष गरी जेड बिरुवा राम्रो भाग्य, समृद्धि, र प्रचुरताको प्रतीक मानिन्छ । यो बिरुवा रोपेमा राम्रो स्वास्थ्य र आर्थिक लाभ हुने विश्वास गरिन्छ ।
