कतिपय कुरा यस्ता हुन्छन्, जसलाई सधै गोप्य राख्नुपर्छ । यदि गोप्य राख्नुपर्ने कुरा पनि गोप्य राखिएन भने त्यसले आफ्नो प्रतिष्ठामा आँच आउने मात्र नभई अनेकौ किसिमको हानी समेत हुन सक्छ । त्यसैले त शास्त्रमा पनि गोपनियताको बारेमा चर्चा गरिएको हो । सबै कुरा अरुलाई सुनाउनुपर्छ भन्ने हुँदैन । कतिपय कुरा आफुले आफैभित्र मात्र सीमित राखेको राम्रो हो ।
पति पत्नीको अन्तरंग सम्बन्ध
पती पत्नी बीचको अन्तरंग सम्बन्ध एकदमै गोपनिय हुनुपर्छ । सचेत र सभ्य दम्पतीले यस्ता कुरामा सकेसम्म गोपनियता अपनाउँछन् । तर, अस्तव्यस्त दम्पतीहरु यस्ता कुरा लुकाउन सक्दैनन् ।
ऋणको कुरा
हामीलाई ऋण लाग्न स्वभाविक हो । तर, यो कुरालाई गोप्य राख्नुपर्छ भनिएको छ । यदि ऋणको कुरा सुनाइयो भने साथीभाई टाढा हुन्छन् । संकटको बेला सहयोग जुट्दैन । त्यसैले ऋणको कुरा अरुलाई सुनाउँदै हिँड्नु बुद्धिमतापूर्ण मानिदैन ।
दान
हामीले अरुलाई केहि सहयोग ग¥यौ भने त्यो सुनाउनु हुँदैन । अरुलाई दिएको दान, आर्थिक सहयोग पनि गोप्य राख्नुपर्छ । धर्मशास्त्रले पनि यस्तो कुरा गोप्य राख्दा पूण्य हुने बताइएको छ ।
घरभित्रको कलह
घरभित्र सामान्य झै-झगडा हुनु, मनमुटाव हुनु सामान्य हो । यस्तो झमेला धेरैजसो परिवारभित्र हुन्छ । तर यो कुरालाई बाहिर ल्याउनु हुँदैन । घरभित्रको कलहको कुरा गोप्य राख्नुपर्छ ।
