सन्दिपले पाए अनुमति !

काठमाडौं । अन्तर्राष्ट्रिय क्रिकेट परिषद् (आईसीसी) ले क्रिकेटर सन्दीप लामिछानेलाई टी–२० विश्वकप खेल्ने नेपाली टोलीमा समावेश गर्न अनुमति दिएको छ । विश्वकप खेल्ने टोलीमा सन्दीपलाई समेट्न नेपाल क्रिकेट संघ (क्यान) ले गरेको प्रस्तावलाई आईसीसीले स्वीकृत गरेको हो । यसअघि नै टी–२० विश्वकप क्रिकेटका लागि नेपालले रोहित पौडेलको कप्तानीमा १५ सदस्यीय टोली वेस्टइन्डिज पठाइसकेको छ । उच्च अदालत, पाटनले बलात्कार मुद्दामा सन्दीपलाई सफाई दिएसँगै उनलाई विश्वकप खेल्ने बाटो खुलेको हो । क्यानले सन्दीपलाई त्यसतर्फ पठाउने तयारी गरेको छ ।