काठमाडौँ, २५ पुस । प्रहरीले प्रतिबन्धित लागु औषधसहित एक जनालाई पक्राउ गरेको छ । बुधबार पक्राउ परेका व्यक्ति रौतहट परवानिपुर नगरपालिका–२ जिङगडुवा घर भएका १८ वर्षीय इर्फान सेख हुन् ।
दक्षिणकाली नगरपालिका–५ फर्पिङस्थित बसपार्कमा इलाका प्रहरी कार्यालय फर्पिङबाट खटिएको प्रहरी टोलीले रौतहटको गौरबाट काठमाडौँतर्फ आउँदै गरेको ना१ज ८७५७ नम्बरको भाडाको टाटा सुमो चेकजाँच गर्दा ‘ट्रामाडोल हाइड्रोक्लोराइड क्याप्सुल ५०’ लेखिएको ६०० पतामा (६००० पिस) ट्याब्लेट शुल फेला पारी बरामद गरी नियन्त्रणमा लिएको इलाका प्रहरा कार्यालय फर्पिङले जनाएको छ ।
उक्त घटनामा थप अनुसन्धान भइरहेको प्रहरी वृत्त कीर्तिपुरले जानकारी दिएको छ ।
