विराटनगर किंग्सको जर्सी सार्वजनिक

विराटनगर, ५ मंसिर । नेपाल प्रिमियर लिग (एनपिएल) लिग खेल्ने विराटनगर किंग्सको जर्सी र गीत सार्वजनिक गरिएको छ । मंगलबार साँझ कोशी प्रदेशका मुख्यमन्त्री हिक्मत कार्कीले विराटनगरमा एक कार्यक्रमबीच जर्सी सार्वजनिक गर्नुभएको हो ।

जर्सीको रंग पहेँलो र निलो रहेको छ । जर्सीसँगै कार्यक्रममा टिमको एन्थम गीत समेत सार्वजनिक गरिएको छ ।

भ्वाइस अफ विराटनगर किंग्स तथा एम्बेसडर समेत रहनुभएका कुशल पोखरेलले उक्त रचना तयार पार्नुभएको हो । विराटनगर किंग्सको गीत र्‍याप फर्म्याटमा रहेको छ ।

यसका साथै विराटनगर किंग्सको फेसमा गायिका रचना रिमाललाई घोषणा गरिएको छ । कार्यक्रममा टिमका मार्की खेलाडी सन्दीप लामिछाने सहभागी थिए ।